“Real” himoyachisi Serxio Ramos madridliklar safini tark etish niyatida, deya xabar qilmoqda Onda Cero.
Ta’kidlanishicha, futbolchi PSJdan, shuningdek, Italiya va Angliya klublaridan qiziqarli takliflar olgan. Shu bilan birga, Serxio o‘z fikrini o‘zgartirishi ham mumkin.
Avvalroq “Real” yoshi katta futbolchilar bilan bir yildan ortiq muddatga shartnoma tuzmaslik an’anasidan voz kechib, Ramosga ikki yillik bitim taklif qilgani xabar qilingandi.
Ramos 2005-yildan buyon “Real”da to‘p suradi, unga qadar “Sevilya”da faoliyat yuritgan. 34 yoshli futbolchi Madrid jamoasi bilan 22 ta sovrin qo‘lga kiritgan. Uning klub bilan amaldagi shartnomasi 2021-yilga qadar mo‘ljallangan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)