«Реал» ҳимоячиси Серхио Рамос мадридликлар сафини тарк этиш ниятида, дея хабар қилмоқда Onda Cero.
Таъкидланишича, футболчи ПСЖдан, шунингдек, Италия ва Англия клубларидан қизиқарли таклифлар олган. Шу билан бирга, Серхио ўз фикрини ўзгартириши ҳам мумкин.
Аввалроқ «Реал» ёши катта футболчилар билан бир йилдан ортиқ муддатга шартнома тузмаслик анъанасидан воз кечиб, Рамосга икки йиллик битим таклиф қилгани хабар қилинганди.
Рамос 2005 йилдан буён «Реал»да тўп суради, унга қадар «Севилья»да фаолият юритган. 34 ёшли футболчи Мадрид жамоаси билан 22 та соврин қўлга киритган. Унинг клуб билан амалдаги шартномаси 2021 йилга қадар мўлжалланган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)