Daniya hukumati 2050-yilga borib Shimoliy dengizda neft va gazni qazib olish hamda uni qidirish bo‘yicha razvedka ishlarini to‘liq to‘xtatish bo‘yicha qaror qabul qildi. Bu haqda mamlakatning Energetika va iqlim muammolari bo‘yicha vazirligi rahbari Dan Yyorgensenga tayanib, “TASS” xabar berdi.
Ushbu natijaga erishish uchun mamlakat Shimoliy dengizdagi neft va gaz joylarini topishga mo‘ljallangan kelajakdagi barcha tenderlar hamda ularni litsenziyalash borasidagi sakkizinchi raundni o‘tkazishdan bosh tortgan.
Vazirlik hisob-kitobiga ko‘ra, tender o‘tkazmaslik va uglevodorodlarni qazib olishni to‘xtatish borasidagi choralarning amalga oshirilishi Daniya budjetiga taxminan 13 milliard krona (2,1 milliard dollarga yaqin) zarar keltiradi.
2019-yilning dekabrida Daniya parlamenti iqlim o‘zgarishlariga qarshi kurash yo‘lida qator chora-tadbirlar paketini qabul qilgan. Mazkur aktga ko‘ra, Daniyaning amaldagi va keyingi barcha hukumati 2030-yilga qadar mamlakatda havoga chiqariladigan zararli gazlarni 70 foizgacha kamaytirishi kerak, 2050-yilga borib esa uglerod neytralligiga erishiladi.
Avvalroq agar iqlim isishiga qarshi kurashda global o‘zgarishlar bo‘lmasa, kelgusi 50 yilda milliardlab odamlar “iqlim migrantlari”ga aylanishi mumkinligi to‘g‘risida xabar berilgandi.
Izoh (0)