O‘zbekiston Yozuvchilar uyushmasi a’zosi, taniqli adib, faxriy jurnalist Sotvoldi Rajabov 2020-yilning 1-dekabr kuni 74 yoshida vafot etdi, deya xabar bermoqda Yozuvchilar uyushmasi axborot xizmati.
Ma’lumot uchun, u 1946-yilda Andijon viloyatida tug‘ilgan. 1970-yilda Toshkent davlat universitetining jurnalistika fakultetini bitirgan. “Mushtum” jurnalida, O‘zbekiston teleradiokompaniyasi adabiy-dramatik eshittirishlar tahririyatida, Andijon viloyat teleradiokompaniyasida ishlagan.
Hikoya va qissalardan iborat o‘nga yaqin kitobi nashr etilgan. Uning “Birovning bolasi” nomli yangi hikoyalar to‘plami nashriyotga topshirilgan, chop etilish arafasida edi.
Eslatib o‘tamiz, Taniqli shaxmat sharhlovchisi Akrom Toshxo‘jayev 66 yoshida, O‘zbekistonda xizmat ko‘rsatgan artist Klara Jalilova 83 yoshida hamda Jurnalist va adabiyotshunos Saydi Umirov 82 yoshida vafot etgan edi.
Izoh (0)