Yaponiya O‘rta Osiyo mamlakatlari va Afg‘onistonga chigirtkadan himoyalanish maqsadida 7,5 mln dollar ajratdi

Yaponiya xalqaro hamkorlik agentligi (JICA) tomonidan Afg‘oniston, Qozog‘iston, Qirg‘iziston, Tojikiston, Turkmaniston va O‘zbekiston manfaati uchun “Chigirtka nazoratini takomillashtirish to‘g‘risida (II bosqich)” loyihasini ishga tushirdi. Bu haqda BMT Oziq-ovqat va qishloq xo‘jaligi tashkilotining (FAO)ning O‘zbekiston FAO vakolatxonasi “Daryo”ga ma’lum qildi.

Xabarga ko‘ra, loyihasi 1-dekabr kuni rasman ishga tushirilgan. Loyiha uchun olingan umumiy mablag‘ 7,5 million dollarni tashkil etadi. Mintaqaviy hamkorlikni yanada rivojlantirish rejalashtirilgan ushbu loyiha davomida seminarlar, axborot va tajriba almashishni o‘z ichiga oladi.

Shuningdek, chigirtka nazorati uchun mas’ul milliy mutaxassislar malakasini oshirish rejalashtirilgan. Bundan tashqari, zararkunandalarga qarshi kurashni takomillashtirish uchun uskunalar yetkazib beriladi. Bu chigirtkalar tarqalishini yaxshiroq taxmin qilish va ularning halokatini kamaytirishga imkon beradi. Shu bilan birga, kamroq toksik pestitsidlar va zararkunandalarga qarshi biologik preparatlardan foydalangan holda chigirtka epidemiyasiga qarshi chora-tadbirlarning takomillashtirilgan mexanizmi joriy etiladi.

“Zaharli kimyoviy moddalarning inson salomatligi va atrof-muhitga salbiy ta’sirini kamaytirishga alohida e’tibor qaratiladi. Bu shaxsiy himoya vositalari bilan ta’minlash va boshqa tadbirlarni o‘z ichiga oladi. Loyiha mahalliy aholi o‘rtasida yanada samarali chigirtka nazorati usullari va xavfsizlik choralari haqida xabardorlikni oshiradi”, — deydi O‘zbekiston FAO vakolatxonasining loyiha koordinatori Sherzod Umarov.

Loyiha tahdidlarning oldini olish va zararkunandalarga qarshi zararlarni kamaytirish orqali oziq-ovqat xavfsizligini ta’minlash va Markaziy Osiyo va Afg‘oniston qishloq aholisining farovonligini oshirishga yordam berishi kutilmoqda.

Avvalroq Yaponiya hukumati va Birlashgan Millatlar Tashkilotining Oziq-ovqat va qishloq xo‘jaligi tashkiloti Markaziy Osiyoda chigirtkaga qarshi kurashni kuchaytirish bo‘yicha loyihaga 7,25 million dollar ajratishi haqida xabar berilgan.