Gartner tahliliy kompaniyasi jahon bozoridagi smartfonlar savdosi bo‘yicha 2020-yil uchinchi chorak hisobotlarini e’lon qildi, deb xabar beradi Hi-Tech.Mail.ru.
Ma’lum bo‘lishicha, smartfonlar bozori uchun 2020-yilning iyul—sentabr oylari dastlabki yarim yillikka qaraganda birmuncha muvaffaqiyatli kelgan, chunki ishlab chiqaruvchilar pandemiya sharoitiga moslashgan.
2020-yil uchinchi chorakda smartfonlar savdosi bo‘yicha Top-5 kompaniyalar ro‘yxati:
Bu kabi sharoitda o‘tgan yilgi savdolar darajasini saqlab qolish oson kechmagan. Masalan, Apple an’anaviy ravishda sentabrda o‘tkazib kelingan taqdimotini oktabrga ko‘chirgan, shu sababli iPhone 12 savdolari uchinchi chorak ko‘rsatkichlariga ta’sir ko‘rsatmagan.
Aftidan, Xiaomi pandemiya sharoitida bozordagi ulushini sezilarli darajada oshirishga muvaffaq bo‘lgan ko‘rinadi. Kompaniya 44,4 million dona smartfon sotgan — bu o‘tgan yilgiga nisbatan 30 foizga ko‘p demak. Mazkur ko‘rsatkich Xitoy kompaniyasiga bozordagi ulush bo‘yicha birinchi bor Apple’ni ortda qoldirish imkonini bergan.
Samsung’da ham biroz o‘sish kuzatilgan — 2,2 foiz. Qolganlarning savdosi o‘tgan yilgi darajada qolgan yoki tushib ketgan.
Avvalroq Apple kompaniyasi Xitoyda iPhone savdolari tushib ketganidan so‘ng 83 milliard dollarga arzonlashgani to‘g‘risida xabar berilgandi.
Izoh (0)