Gartner таҳлилий компанияси жаҳон бозоридаги смартфонлар савдоси бўйича 2020 йил учинчи чорак ҳисоботларини эълон қилди, деб хабар беради Hi-Tech.Mail.ru.
Маълум бўлишича, смартфонлар бозори учун 2020 йилнинг июль—сентябрь ойлари дастлабки ярим йилликка қараганда бирмунча муваффақиятли келган, чунки ишлаб чиқарувчилар пандемия шароитига мослашган.
2020 йил учинчи чоракда смартфонлар савдоси бўйича Топ-5 компаниялар рўйхати:
Бу каби шароитда ўтган йилги савдолар даражасини сақлаб қолиш осон кечмаган. Масалан, Apple анъанавий равишда сентябрда ўтказиб келинган тақдимотини октябрга кўчирган, шу сабабли iPhone 12 савдолари учинчи чорак кўрсаткичларига таъсир кўрсатмаган.
Афтидан, Xiaomi пандемия шароитида бозордаги улушини сезиларли даражада оширишга муваффақ бўлган кўринади. Компания 44,4 миллион дона смартфон сотган — бу ўтган йилгига нисбатан 30 фоизга кўп демак. Мазкур кўрсаткич Хитой компаниясига бозордаги улуш бўйича биринчи бор Apple’ни ортда қолдириш имконини берган.
Samsung’да ҳам бироз ўсиш кузатилган — 2,2 фоиз. Қолганларнинг савдоси ўтган йилги даражада қолган ёки тушиб кетган.
Аввалроқ Apple компанияси Хитойда iPhone савдолари тушиб кетганидан сўнг 83 миллиард долларга арзонлашгани тўғрисида хабар берилганди.
Изоҳ (0)