Namangan viloyati Namangan shahrida poyezd va Lacetti ishtirokida yo‘l-transport hodisasi sodir bo‘ldi, deya xabar bermoqda YHXBB.
Qayd etilishicha, 2020-yilning 25-noyabr kuni soat 18:30 larda 4N-434 Fayzobod–Mashad yo‘lining 10-kilometrida Andijondan kelayotgan yuk poyezdi bilan Lacetti rusumli transport vositasi to‘qnashuv sodir etgan. Natijada Lacetti haydovchisining oilasi vafot etgan.
Voqeaga qo‘riqlanmaydigan temiryo‘lda haydovchining e’tiborsizligi, tungi yoritish chiroqlari va temiryo‘lga qo‘yilishi kerak bo‘lgan maxsus ko‘tarma yo‘qligi sabab bo‘lgan.
Mutasaddilarni ta’kidlashicha, ushbu temiryo‘ldan 2021-yildan boshlab elektrovoz yurishni boshlaydi. Shundan boshlab poyezd yo‘li qo‘riqlanadigan temiryo‘lga aylantiriladi.
Avvalroq Surxondaryoda haydovchilik guvohnomasi bo‘lmagan yigit otasining Cobalt’ida YTHga uchragani, Sergelida 10 yoshli bolani urib, voqea joyidan qochib ketgan Cobalt haydovchisi qo‘lga olingani hamda Buxoroda avtomobilini ko‘zdan kechirayotgan haydovchini yuk mashinasi urib ketishi oqibatida haydovchi vafot etgani xabar qilingan.
Izoh (0)