Наманган вилояти Наманган шаҳрида поезд ва Lacetti иштирокида йўл-транспорт ҳодисаси содир бўлди, дея хабар бермоқда ЙҲХББ.
Қайд этилишича, 2020 йилнинг 25 ноябрь куни соат 18:30 ларда 4Н-434 Файзобод–Машад йўлининг 10-километрида Андижондан келаётган юк поезди билан Lacetti русумли транспорт воситаси тўқнашув содир этган. Натижада Lacetti ҳайдовчисининг оиласи вафот этган.
Воқеага қўриқланмайдиган темир йўлда ҳайдовчининг эътиборсизлиги, тунги ёритиш чироқлари ва темир йўлга қўйилиши керак бўлган махсус кўтарма йўқлиги сабаб бўлган.
Мутасаддиларни таъкидлашича, ушбу темир йўлдан 2021 йилдан бошлаб электровоз юришни бошлайди. Шундан бошлаб поезд йўли қўриқланадиган темир йўлга айлантирилади.
Аввалроқ Сурхондарёда ҳайдовчилик гувоҳномаси бўлмаган йигит отасининг Cobalt’ида ЙТҲга учрагани, Сергелида 10 ёшли болани уриб, воқеа жойидан қочиб кетган Cobalt ҳайдовчиси қўлга олингани ҳамда Бухорода автомобилини кўздан кечираётган ҳайдовчини юк машинаси уриб кетиши оқибатида ҳайдовчи вафот этгани хабар қилинган.
Изоҳ (0)