AQShda Mecum auksioni orqali hozirga qadar 55 kilometr yo‘l bosgan 20 yillik Honda S2000 sotuvga qo‘yildi. Avtomobil 2000-yilda investitsiya sifatida xarid qilingan, shu sababli u tashqi ko‘rinishi va texnik jihatdan ideal holatda. Noyob S2000 ro‘yxatga olinmagan va shuncha yildan buyon quruq garajda qayta sotilishini kutgan, deb yozadi Motor.
“Vaqt kapsulasi” bo‘lgan Honda S2000’ning qiziqarli tarixga ega. Sportkar egasi — amerikalik Xedi Chirrinchione — kumushrang rodsterni o‘zining qizil rangli S2000 modeliga qo‘shimcha ravishda sotib olgan. Chirrinchione qizil ikki eshiklida harakatlanishni davom etgan, kumushrang avtomobil esa garajda saqlangan.
2020-yilga kelib Chirrinchione 20 yillik modelni sotishga qaror qildi. Yaqinda 66 yoshga to‘lgan ayol The Drive bilan suhatda yoshi o‘tib qolgani va “S2000’ni ushbu sport avtomobilidan bahramand bo‘la oladigan insonga berish” vaqti kelganini tan olgan.
Tepa qismi ochiladigan Honda ajoyib holatda saqlangan: kuzov ham, qora charm bilan qoplangan saloni ham, Bridgestone Potenza S-02 shinalari ham original. Biroq uzoq yillar harakatsiz turgani sabab tormoz diskalarini zang qoplagan.
Honda S2000 240 ot kuchiga ega 2,0 litrli to‘rt silindrga ega benzin dvigatel yordamida harakatga keladi. Uzatma — orqa o‘qda bo‘lib, agregat olti pog‘onali mexanik uzatmalar qutisi yordamida boshqariladi.
Xcedu Chirrinchione “vaqt kapsulasi”ni 150 ming dollarga sotish niyatida, 2019-yilda 153 kilometr yo‘l bosgan xuddi shunga o‘xshash Honda S2000 modeli 99 ming dollarga sotilgan edi. Umuman olgandan, hozircha lotning boshlang‘ich narxi e’lon qilinmagan, Mecum’dagi savdolar 2021-yilning yanvarida boshlanadi.
Avvalroq Buyuk Britaniyada 34 yil ichida 500 kilometr yurgan BMW E30 yangi 5-Series narxida sotuvga qo‘yilgani to‘g‘risida xabar berilgandi.
Izoh (0)