АҚШда Mecum аукциони орқали ҳозирга қадар 55 километр йўл босган 20 йиллик Honda S2000 сотувга қўйилди. Автомобиль 2000 йилда инвестиция сифатида харид қилинган, шу сабабли у ташқи кўриниши ва техник жиҳатдан идеал ҳолатда. Ноёб S2000 рўйхатга олинмаган ва шунча йилдан буён қуруқ гаражда қайта сотилишини кутган, деб ёзади Motor.
«Вақт капсуласи» бўлган Honda S2000’нинг қизиқарли тарихга эга. Спорткар эгаси — америкалик Xedi Chirrinchione — кумушранг родстерни ўзининг қизил рангли S2000 моделига қўшимча равишда сотиб олган. Chirrinchione қизил икки эшиклида ҳаракатланишни давом этган, кумушранг автомобиль эса гаражда сақланган.
2020 йилга келиб Chirrinchione 20 йиллик моделни сотишга қарор қилди. Яқинда 66 ёшга тўлган аёл The Drive билан суҳатда ёши ўтиб қолгани ва «S2000’ни ушбу спорт автомобилидан баҳраманд бўла оладиган инсонга бериш» вақти келганини тан олган.
Тепа қисми очиладиган Honda ажойиб ҳолатда сақланган: кузов ҳам, қора чарм билан қопланган салони ҳам, Bridgestone Potenza S-02 шиналари ҳам оригинал. Бироқ узоқ йиллар ҳаракатсиз тургани сабаб тормоз дискаларини занг қоплаган.
Honda S2000 240 от кучига эга 2,0 литрли тўрт цилиндрга эга бензин двигатель ёрдамида ҳаракатга келади. Узатма — орқа ўқда бўлиб, агрегат олти поғонали механик узатмалар қутиси ёрдамида бошқарилади.
Xcude Chirrinchione «вақт капсуласи»ни 150 минг долларга сотиш ниятида, 2019 йилда 153 километр йўл босган худди шунга ўхшаш Honda С2000 модели 99 минг долларга сотилган эди. Умуман олгандан, ҳозирча лотнинг бошланғич нархи эълон қилинмаган, Mecum’даги савдолар 2021 йилнинг январида бошланади.
Аввалроқ Буюк Британияда 34 йил ичида 500 километр юрган BMW E30 янги 5-Series нархида сотувга қўйилгани тўғрисида хабар берилганди.
Изоҳ (0)