Apple kompaniyasi AQShda avtomobilning old oynasidagi mikroyoriqlarni bir zumda aniqlaydigan texnologiyani patentladi. AQSh Patentlar va tovar belgilari bazasida (USPTO) texnologiyaga oid ma’lumotlar va uning ishlash jarayoni tasvirlangan suratlar paydo bo‘lgan, deb yozadi Motor.
Bu kabi texnologiya old oynani isitish funksiyasiga ega avtomobillar uchun foydali. Gap shundaki, mikroyoriqlar isitish tizimining ishiga salbiy ta’sir ko‘rsatishi mumkin — ular orqali suv o‘tib, shikast yetadi. Apple’da esa ushbu muammoning yechimi bor: kompaniya oyna qavatlari orasida tok o‘tkazuvchi shaffof plyonkani joylashtirishni taklif etmoqda, u bir necha soniyada inson ko‘zi ilg‘amaydigan yoriqlarni aniqlashi mumkin.
Shuningdek, taxminlarga ko‘ra, plyonkadan yana bir maqsadda foydalanish mumkin — mashinani o‘g‘irlab ketilishiga qarshi. Agarda u bort elektronikasiga ulansa, oynaga shikast yetgan taqdirda dvigatelni bloklab qo‘yishi va avtomobil egasiga mashinaga o‘g‘ri tushgani haqida xabar berishi mumkin.
Biroq Apple mazkur texnologiyani patentladi degani, undan yaqin kunlarda foydalanish mumkin bo‘lishini anglatmaydi. Bu kabi opsiya seriyali avtomobillarda umuman paydo bo‘lmasligi ham mumkin.
Avvalroq Apple masofadan turib guruh bo‘lgan holda selfiga tushish texnologiyasini patentlagani ma’lum bo‘lgandi.
Mavzuga doir: Apple egiluvchan iPhone’ni patentladi
Izoh (0)