Qozog‘istonlik bokschi Daniyar Yeleusinov (10-0, 6 KO) o‘zining professional ringdagi o‘ninchi jangini o‘tkazdi.
Yeleusinov AQShda kechgan bellashuvda birinchi yarim o‘rta vazn sobiq chempioni Julius Indongoga (23-3, 12 KO) qarshi ringga ko‘tarildi. Daniyar yarim o‘rta vazn toifasida (-66,6 kg) o‘tkazilgan jangning ikkinchi raundida namibiyalik raqibini texnik nokaut evaziga taslim etdi.
Jang vakant bo‘lib turgan IBF Intercontinental chempionlik kamari uchun kechgandi.
Shu tariqa qozog‘istonlik bokschi ketma-ket o‘ninchi g‘alabasini qayd etgan holda, professional boksdagi ilk chempionlik kamariga ega chiqdi.
Eslatib o‘tamiz, Yeleusinov Rio—2016 Olimpiadasi finalida o‘zbekistonlik bokschi Shahram G‘iyosovni mag‘lub etib, oltin medalni qo‘lga kiritgandi.
Mavzuga doir: “U endi yuqorida, biz esa pastroqdamiz”. O‘zbekiston boks termasi murabbiyi Shahram G‘iyosovning tanqidlariga javob qaytardi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)