“Barselona” rahbariyati jamoa futbolchilari va murabbiylari bilan maoshlarni qisqartirish borasida kelishuvga erishdi. Bu haqda katalon klubi matbuot xizmati ma’lum qildi.
Bu “ko‘k-anorranglilar”ga 2020/21-yilgi mavsumda 122 million yevroni tejab qolish imkoniyatini beradi. Shuningdek, futbolchilar joriy mavsum uchun va’da qilingan bonuslarning kechiktirib berilishiga rozi bo‘lgan, bu miqdor 50 million yevro atrofida baholanmoqda. Bonus pullari uch yil davomida to‘lab beriladi.
Ta’kidlanishicha, yaqin orada futbolchi va murabbiylar bilan mazkur kelishuv tasdiqlanadi.
“Barselona” koronavirus pandemiyasi sabab moliyaviy qiyinchiliklarga uchramoqda. Klub mart oyida ham futbolchilarning maoshini qisqartirgandi. Sentabr oyida esa klubning bir qator futbolchilar maoshini kamayishiga rozi bo‘lgan holda shartnomani uzaytirgandi.
Avvalroq “Barselona” futbolchilari maoshlarning yana bir bor qisqartirilishiga qarshi ekani xabar qilingandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)