Argentinalik afsonaviy futbolchi Diyego Maradonaning menejeri Stefano Chechi mijozining o‘limi haqida fikr bildirdi.
“Diyegoning o‘limi yuzasidan surishtiruv olib borilmoqda. Endi odamlar nima qilish kerakligini uqtirmoqda.
Diyego har doim yolg‘iz bo‘lgan: odamlar faqat Maradona haqida o‘ylardi. Diyego 17 yoshga to‘lgandayoq Diyego bo‘lishdan to‘xtagan. Unga yaqinlashish juda qiyin edi, chunki u nozik, shubhalarga to‘la, sodda va ko‘ngli ochiq odam edi. Menda u bilan bog‘liq 20 yillik ajoyib xotiralar qoldi.
So‘nggi vaqtlarda u o‘zini jismoniy va ruhiy tomondan tashlab yuborgandi. O‘ylashimcha, u charchadi va o‘zini o‘lishga qo‘yib berdi, u ortiq yashashni xohlamas edi.
Diyego atrofidagi oilaviy parokandalik u hech qachon halovatda yashamaganiga isbot. Hatto u o‘lganidan keyin ham ular bir birining sochini yulmoqda. Endi u o‘zi uchun eng sevimli bo‘lgan ota va onasi bilan birga. Endi Diyego xotirjam”, — deydi Chechi.
Eslatib o‘tamiz, Diyego 25-noyabr kuni yurak xuruji oqibatida 60 yoshida vafot etdi.
Mavzuga doir:
- Futbol afsonasi Diyego Maradona hayoti va faoliyatidagi eng yorqin lahzalar (fotogalereya)
- Argentinadan Suriyagacha. Muxlislar Diyego Maradona bilan vidolashmoqda (fotogalereya)
- Maradonaning neapollik bemor bolaga yordam berish uchun klubga qarshi chiqib, loy maydonda o‘ynab gol urgani haqida kichik hikoya
- “Argentinalik bo‘lish baxti hech qanday qiymatga sotilmaydi”. Maradonaning 100 mln dollarga sotilmagan vatanparvarligi haqida
- “Onam meni eng zo‘ri deb hisoblaydi. Men esa hech qachon u bilan bahslashmayman”. Afsonaviy Diyego Maradona hayotidagi eng mashhur iqtiboslar
- Diyego Maradona 23 yil avval futbol bilan xayrlashgandi, bugun esa... Argentinalik dahoning so‘nggi uchrashuvi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)