Futbol bo‘yicha Belarus chempionati 2020-yilgi mavsumning so‘nggi tur uchrashuvlari 28-noyabr, shanba kuni bo‘lib o‘tdi.
Bu tur BATE va “Shaxtyor Soligorsk” o‘rtasidagi chempionlik masalasiga oydinlik kiritishi kerak edi.
“Shaxtyor” o‘z maydonida “Minsk”ni qabul qildi. Uchrashuv davomida soligorskliklar ikki hisobda ortda borib, muvozanatni tiklashga erishdi. Hammasi durang tomon ketayotganda mezbonlar hakam tomonidan qo‘shib berilgan vaqtda ikkita gol urgan holda uch ochkoga ega bo‘ldi.
Parallel o‘yinda BATE yana bir Minsk jamoasi “Dinamo” bilan nursiz durang qayd etdi.
Shu tariqa “Shaxtyor” ochkolarini 59 taga yetkazib olgan holda BATEni (58) bir ochkoga ortda qoldirib, chempionga aylandi. Jasur Yaxshiboyev jamoasi kelasi mavsumda Chempionlar Ligasida ishtirok etish huquqini qo‘lga kiritdi.
Shahboz Umarov va Humoyunmirzo Iminov harakat qiladigan “Energetik-BGU” esa so‘nggi daqiqalarda ikkita gol o‘tkazib mag‘lub bo‘ldi. “Talabalar” musobaqa jadvalini 10-o‘rinda yakunladi.
Belarus Oliy Ligasi
30-tur bahslari
28-noyabr, shanba
“Shaxtyor” — “Minsk” 4:2
Gollar: 0:1 – 18 Jerdev, 1:1 – 24 Kendish, 1:2 – 52 Shramchenko, 2:2 – 72 Arxipov, 3:2 – 90+2 Begunov, 4:2 – 90+7 Arxipov.“Shaxtyor”: Chesnovskiy, Begunov, Antich, Xadarkevich, Szoke (Sachivko, 90), Balanovich, Kendish, Podstrelov, Yaxshiboyev (Bodul, 63), Arxipov, Santos (Ivanovich, 55).
“Minsk: Prishivalko, Chagovets, Klimovich, Rыjuk, Ten, Shramchenko (Zinovich, 87), Jerdev (Yarotskiy, 81), Vasilev, Yevdokimov, Sazonchik, Gorbach (Zinovich, 69).
Ogohlantirishlar: Klimovich (8), Ten (40), Chagovets (42), Begunov (70), Rыjuk (76), Shramchenko (82), Podstrelov (88).
Chetlatish: Sazonchik (85).
“Slaviya” — “Energetik-BGU” 2:1
Gollar: 0:1 – 76 Dias, 1:1 – 88 Juk, 2:1 – 90 Juk.“Slaviya”: Baranovskiy, Malkevich, Shestilovskiy, Nedashkovskiy, Shevchenko, Barsukov, Chuxley (Tettex, 74), Slyusar (Juk, 60), Narx, Potapov, Melnikov (Tlupov, 54).
“Energetik-BGU”: Bakonin, Mavatu, Yudchits, Sokol, Svirepa (Miroshnikov, 46), Sovpel (Dias, 60), Rilach, Mani (Umarov, 53), Bashilov, Iminov, Shkurdyuk.
Ogohlantirishlar: Svirepa (43), Shevchenko (73), Umarov (85), Mavatu (90).
“Dinamo Minsk” — BATE 0:0
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)