Jahon bankining Xalqaro taraqqiyot uyushmasi va Osiyo infratuzilmaviy investitsiyalar banki “Qishloq infratuzilmasini rivojlantirish” loyihasi uchun O‘zbekistonga mos ravishda 100 million dollar va 82 million dollar miqdorida kredit taqdim etdi. “Gazeta.uz”ning ma’lum qilishicha, bu haqda ushbu loyihani amalga oshirish chora-tadbirlari to‘g‘risida Prezident qarorida keltirilgan.
Kreditlar 5 yillik imtiyozli davr bilan 30 yil muddatga berildi. Loyihani amalga oshirishda O‘zbekistonning ulushi 1,6 million dollarni tashkil etadi.
Qishloq infratuzilmasini rivojlantirish bo‘yicha loyiha Farg‘ona, Andijon, Namangan, Sirdaryo va Jizzax viloyatlarining iqtisodiy va ijtimoiy rivojlanishdan nisbatan ortda qolayotgan 21 ta tumanida 5 yil (2020–2024-yillar) davomida amalga oshiriladi.
Mavzuga doir: O‘zbekistonda qishloq xo‘jaligi mahsulotlari yetishtirish bo‘yicha hududlar reytingi e’lon qilindi
Izoh (0)