Жаҳон банкининг Халқаро тараққиёт уюшмаси ва Осиё инфратузилмавий инвестициялар банки «Қишлоқ инфратузилмасини ривожлантириш» лойиҳаси учун Ўзбекистонга мос равишда 100 миллион доллар ва 82 миллион доллар миқдорида кредит тақдим этди. «Gazeta.uz»нинг маълум қилишича, бу ҳақда ушбу лойиҳани амалга ошириш чора-тадбирлари тўғрисида Президент қарорида келтирилган.
Кредитлар 5 йиллик имтиёзли давр билан 30 йил муддатга берилди. Лойиҳани амалга оширишда Ўзбекистоннинг улуши 1,6 миллион долларни ташкил этади.
Қишлоқ инфратузилмасини ривожлантириш бўйича лойиҳа Фарғона, Андижон, Наманган, Сирдарё ва Жиззах вилоятларининг иқтисодий ва ижтимоий ривожланишдан нисбатан ортда қолаётган 21 та туманида 5 йил (2020–2024 йиллар) давомида амалга оширилади.
Мавзуга доир: Ўзбекистонда қишлоқ хўжалиги маҳсулотлари етиштириш бўйича ҳудудлар рейтинги эълон қилинди
Изоҳ (0)