Shuhrat Xudoybergenov Tibbiyot xodimlarining kasbiy malakasini rivojlantirish markazi direktorining davolash ishlari bo‘yicha o‘rinbosari — markaz ko‘p tarmoqli klinikasi bosh vrachi lavozimiga tayinlandi. Bu haqda 23-noyabr kuni sog‘liqni saqlash vazirining tegishli buyrug‘i imzolangan, deb xabar bermoqda vazirlik matbuot xizmati.
Tibbiyot fanlari nomzodi bo‘lgan Shuhrat Xudoybergenov bunga qadar Buxoro viloyat ko‘p tarmoqli tibbiyot markazi bosh shifokori lavozimida ishlab kelayotgandi.
Undan avval akademik V.Vohidov nomidagi Respublika ixtisoslashtirilgan xirurgiya markazida xirurg-shifokor, katta ilmiy xodim, bo‘lim mudiri, shuningdek, Respublika shoshilinch tibbiy yordam ilmiy markazi Buxoro filiali direktori lavozimlarida mehnat qilgan.
Tibbiyot xodimlarini kasbiy malakasini rivojlantirish markazi va markazning ko‘p tarmoqli klinikasi Prezidentning “Tibbiy-sanitariya sohasida kadrlarni tayyorlash va uzluksiz kasbiy rivojlantirishning mutlaqo yangi tizimini joriy etish chora-tadbirlari to‘g‘risida”gi qarori bilan 2020-yilning aprelida tashkil etilgandi.
Izoh (0)