Davlat statistika qo‘mitasi O‘zbekistonda 2020-yilning yanvar–oktabr oylarida benzin, dizel, neft va gaz ishlab chiqarish bo‘yicha ko‘rsatkichlarni e’lon qildi.
Unga ko‘ra, 2020-yilning yanvar–oktabr oylarida respublikada avtomobil benzini ishlab chiqarish hajmi 2019-yilning shu davriga nisbatan ko‘paygan.
Qayd etilishicha, 2019-yilning shu davrida 839,5 ming tonna benzin ishlab chiqarilgan bo‘lsa, 2020-yilda 849,4 ming tonna benzin ishlab chiqarilgan.
Dizel yoqilg‘isini ishlab chiqarish hajmida pasayish kuzatilgan. 2019-yilda 839,2 ming tonna dizel ishlab chiqarilgan bo‘lsa, 2020-yilda bu ko‘rsatkich 812,2 ming tonnani tashkil etgan.
Shu bilan birga, O‘zbekistonda 2020-yil yanvar-oktabr oylarida 613,6 ming tonna neft qazib olingan. 2019-yilning shu davrida 584,4 ming tonna neft qazib olingan edi.
Shuningdek, 2020-yil yanvar–oktabr oylarida tabiiy gaz qazib olish 40,4 milliard kub metrni tashkil etgan, bu 2019-yilning shu davriga nisbatan 9,6 milliard kub metrga kam hisoblanadi (50,1 milliard kub metr).
Mavzuga doir: “Hech kim tappi yoqish kerak deyayotgani yo‘q. Gaz ballonlar yetarli” — Energetika vazirining o‘rinbosari
Avvalroq O‘zbekiston “Lukoyl”dan 5 mlrd kub metr gaz sotib olgani hamda O‘zbekistonda avtomobil yoqilg‘isini ishlatganlik uchun yig‘im joriy etilishi to‘g‘risida xabar qilingandi.
Izoh (0)