Давлат статистика қўмитаси Ўзбекистонда 2020 йилнинг январь–октябрь ойларида бензин, дизель, нефть ва газ ишлаб чиқариш бўйича кўрсаткичларни эълон қилди.
Унга кўра, 2020 йилнинг январь–октябрь ойларида республикада автомобиль бензини ишлаб чиқариш ҳажми 2019 йилнинг шу даврига нисбатан кўпайган.
Қайд этилишича, 2019 йилнинг шу даврида 839,5 минг тонна бензин ишлаб чиқарилган бўлса, 2020 йилда 849,4 минг тонна бензин ишлаб чиқарилган.
Дизель ёқилғисини ишлаб чиқариш ҳажмида пасайиш кузатилган. 2019 йилда 839,2 минг тонна дизель ишлаб чиқарилган бўлса, 2020 йилда бу кўрсаткич 812,2 минг тоннани ташкил этган.
Шу билан бирга, Ўзбекистонда 2020 йил январь октябрь ойларида 613,6 минг тонна нефть қазиб олинган. 2019 йилнинг шу даврида 584,4 минг тонна нефть қазиб олинган эди.
Шунингдек, 2020 йил январь–октябрь ойларида табиий газ қазиб олиш 40,4 миллиард куб метрни ташкил этган, бу 2019 йилнинг шу даврига нисбатан 9,6 миллиард куб метрга кам ҳисобланади (50,1 миллиард куб метр).
Мавзуга доир: «Ҳеч ким таппи ёқиш керак деяётгани йўқ. Газ баллонлар етарли» — Энергетика вазирининг ўринбосари
Аввалроқ Ўзбекистон «Лукойл»дан 5 млрд куб метр газ сотиб олгани ҳамда Ўзбекистонда автомобиль ёқилғисини ишлатганлик учун йиғим жорий этилиши тўғрисида хабар қилинганди.
Изоҳ (0)