O‘zbekiston hududida havo haroratining keskin pasayishi, qor yog‘ishi sababli Qamchiq dovonidagi vaziyat haqida Favqulodda vaziyatlar vazirligi tomonidan ma’lumot berildi.
Ma’lum qilinishicha, Qamchiq dovonida Favqulodda vaziyatlar vazirligi rahbarligida yo‘llarni qordan tozalash ishlari olib borilmoqda. Ushbu ishlarga “Qamchiq avtoyo‘l”, “O‘zbekiston temir yo‘llari” kompaniyalari va boshqa tuzilmalarning maxsus texnikalari jalb qilingan. Harakat xavfsizligi Yo‘l harakati xavfsizligi xizmati xodimlari tomonidan nazorat qilinmoqda.
Ta’kidlanishicha, dovonda profilaktik tadbirlar ham olib borilmoqda, xususan, yo‘llar muzlashining oldini olish maqsadida maxsus texnikalar yordamida qum va tuz aralashmasi sepilmoqda. Dovon bo‘ylab olib borilayotgan ishlarga 150 ta maxsus texnika jalb qilingan.
“O‘zgidromet” ma’lumotlariga ko‘ra, qor yog‘ishi 19-noyabrning tongiga qadar davom etadi. Yo‘llar xavfsiz holatda, biroq ushbu yo‘nalish bo‘yicha harakatlanmoqchi bo‘lgan haydovchilarga barcha xavfsizlik qoidalariga rioya qilish tavsiya etiladi.
Izoh (0)