Yaponiya yalpi ichki mahsuloti 2020-yilning uchinchi choragida rekord darajadagi o‘sishni qayd etdi. Aprel—may oylarida mamlakat tarixida kuzatilgan eng katta 28,1 foizlik pasayishdan keyin uchinchi chorakda YaIMning o‘sishi 21,4 foizni tashkil etgan. Bu haqda “Interfaks” xabar berdi.
Mazkur o‘sish natijasida mamlakat iqtisodiyotining hajmi 508 trillion iyena yoki 4,85 trillion dollarni tashkil qilgan.
Chorak hisobida iyul—sentabr oylarida o‘sish 5 foizni tashkil etdi, bu ikkinchi chorakdagi 8,2 foizlik pasayishdan keyingi rekord ko‘rsatkich. Bu COVID-19 pandemiyasi keltirib chiqargan zarbadan keyin iqtisodiy tiklanish sharoitida to‘rtinchi chorak ichida qayd etilgan birinchi o‘sish sanaladi.
Tahlilchilar o‘rtacha hisobda unchalik katta bo‘lmagan o‘sishni taxmin qilgan — chorakda 4,4 foiz va yillik hisobda 18,9 foiz.
Uchinchi chorakda iste’mol xarajatlari o‘tgan uch oyga nisbatan 4,7 foizga oshdi (aprel—mart oylarida ular 8,1 foizga kamaygan). Davlat xarajatlari esa 2,2 foizga o‘sgan.
So‘nggi uch chorakda eksport birinchi marta o‘sdi — ikkinchi chorakda 17,4 foizga tushib ketganidan keyin 7 foizlik o‘sish qayd etildi. Shu bilan birga, import 2,2 foiz ko‘tarilgandan keyin 9,8 foizga tushib ketdi.
Izoh (0)