Япония ялпи ички маҳсулоти 2020 йилнинг учинчи чорагида рекорд даражадаги ўсишни қайд этди. Апрель—май ойларида мамлакат тарихида кузатилган энг катта 28,1 фоизлик пасайишдан кейин учинчи чоракда ЯИМнинг ўсиши 21,4 фоизни ташкил этган. Бу ҳақда «Интерфакс» хабар берди.
Мазкур ўсиш натижасида мамлакат иқтисодиётининг ҳажми 508 триллион иена ёки 4,85 триллион долларни ташкил қилган.
Чорак ҳисобида июль—сентябрь ойларида ўсиш 5 фоизни ташкил этди, бу иккинчи чоракдаги 8,2 фоизлик пасайишдан кейинги рекорд кўрсаткич. Бу COVID-19 пандемияси келтириб чиқарган зарбадан кейин иқтисодий тикланиш шароитида тўртинчи чорак ичида қайд этилган биринчи ўсиш саналади.
Таҳлилчилар ўртача ҳисобда унчалик катта бўлмаган ўсишни тахмин қилган — чоракда 4,4 фоиз ва йиллик ҳисобда 18,9 фоиз.
Учинчи чоракда истеъмол харажатлари ўтган уч ойга нисбатан 4,7 фоизга ошди (апрель—март ойларида улар 8,1 фоизга камайган). Давлат харажатлари эса 2,2 фоизга ўсган.
Сўнгги уч чоракда экспорт биринчи марта ўсди — иккинчи чоракда 17,4 фоизга тушиб кетганидан кейин 7 фоизлик ўсиш қайд этилди. Шу билан бирга, импорт 2,2 фоиз кўтарилгандан кейин 9,8 фоизга тушиб кетди.
Изоҳ (0)