O‘zbekistonda 3 ta xususiy bandlik agentligining litsenziyasi bekor qilindi, deya xabar bermoqda Bandlik va mehnat munosabatlari vazirligi.
Ma’lum qilinishicha, mas’uliyati cheklangan jamiyati shaklidagi Manpower consult group, Unistaff, Karmada Recruiting and Consulting xususiy bandlik agentliklariga O‘zbekistondan tashqarida ish izlayotgan shaxslarni ishga joylashtirish faoliyati bilan shug‘ullanish uchun berilgan litsenziyalarining amal qilishi bekor qilingan.
O‘zbekiston “Faoliyatning ayrim turlarini litsenziyalash to‘g‘risida”gi qonunining 24-moddasi, “Xususiy bandlik agentliklari to‘g‘risida”gi qonunining 20-moddasi hamda Vazirlar Mahkamasining 2018-yil 12-sentabrdagi 725-son qarori bilan tasdiqlangan “O‘zbekiston Respublikasidan tashqarida ish izlayotgan shaxslarni ishga joylashtirish bo‘yicha faoliyatni litsenziyalash tartibi to‘g‘risidagi nizom”ning 49-bandiga muvofiq ushbu xususiy bandlik agentliklarining litsenziyalarini bekor qilinishi to‘g‘risida qaror qabul qilingan.
Avvalroq Toshkentda odamlarni qariyb 1,5 mlrd so‘mga chuv tushirgan xususiy bandlik agentligi mansabdorlariga sud hukmi o‘qilgani, Xususiy bandlik agentliklari tomonidan fuqarolarni aldash yo‘li bilan 80 milliard so‘mdan ortiq mablag‘ noqonuniy tarzda o‘zlashtirilgani hamda Toshkentda 1100 dan ortiq fuqaroni 6,2 mlrd so‘mga chuv tushirgan xususiy bandlik agentligining kirdikorlari fosh qilingani haqida xabar berilgandi.
Izoh (0)