Uzbekistan Airways Dubayga parvozlar sonini oshirmoqda, deya xabar bermoqda aviakompaniya.
Ma’lum qilinishicha, 2020-yil 1-dekabrdan boshlab Dubayga qatnovlar haftasiga 5 marotaba – dushanba, chorshanba, payshanba, juma va yakshanba kunlari amalga oshiriladi.
Parvozlar jadvali:
Toshkent–Dubay–Toshkent
- uchish/kelish vaqti – 08:25 — 11:00
- uchish/kelish vaqti (teskari reys) 12:25 — 16:35
Toshkentdan Birlashgan Arab Amirliklariga Uzbekistan Airways’dan tashqari Fly Dubai hamda BAAning loukoster aviakompaniyasi hisoblangan Air Arabia ham parvozlarni amalga oshirmoqda.
Xususan, Air Arabia O‘zbekistonga muntazam parvozlarni amalga oshirish uchun 2020-yilning sentabr oyida ruxsatnoma olgandi. Kompaniya 4-noyabr kunidan boshlab Sharja–Toshkent–Sharja yo‘nalishida parvozlarni amalga oshirishni boshladi.
Air Arabia O‘zbekistonga muntazam parvozlarni amalga oshirishni e’lon qilganidan so‘ng Uzbekistan Airways ham Toshkent–Sharja–Toshkent yo‘nalishida parvozlarni qayta yo‘lga qo‘yganini ma’lum qildi.
BAA hamda O‘zbekiston o‘rtasida yo‘lovchi tashuvchi aviakompaniyalar ko‘paygani ushbu yo‘nalishda raqobat kuchayishini ta’minlashi mumkin.
Izoh (0)