Ichki ishlar vazirligi Yo‘l harakati xavfsizligi bosh boshqarmasining ma’lum qilishicha, 18—19-noyabr kunlari A-373 Toshkent—O‘sh avtomobil yo‘lining Qamchiq dovoni qismida vaqti-vaqti bilan kuchli qor yog‘ishi kutilmoqda. Shu sababli YHXBB dovon orqali avtomobilda harakatlanuvchilarni ogohlikka chaqirdi.
Shuningdek, dovonda tuman tushib, ko‘rish darajasi 50 metrgacha pasayishi, shamol tezligi sekundiga 17-22 metrgacha kuchayishi, yo‘lda qor uyumlari, muzlama hosil bo‘lishi kutilmoqda. 18-noyabrdan havo harorati pasayadi, 19—20-noyabrga kelib harorat kechasi 15-18 darajagacha, kunduzi 9-12 darajagacha pasayadi.
Avvalroq O‘zbekistonga 18—20-noyabrda G‘arbiy Qozog‘iston orqali Ural hududlari ustida shakllangan sovuq va nam havo massalari kirib kelishi sababli hafta o‘rtasida havo keskin sovishi kutilayotgani haqida xabar berilgandi.
Izoh (0)