O‘zbekiston ilk bor arxitektura va san’at olamida keng ko‘lamli tadbir — XVII Xalqaro me’morchilik biyennalesida ishtirok etadi. Bu haqda O‘zbekiston Madaniyat vazirligi huzuridagi Madaniyat va san’atni rivojlantirish jamg‘armasi matbuot xizmati xabar berdi.
Biyennale — har ikki yilda bir marta o‘tkaziladigan ko‘rgazmadir. XVII Xalqaro me’morchilik biyennalesi 2021-yil 22-maydan 21-noyabrga qadar Venetsiyada bo‘lib o‘tadi.
Unda O‘zbekiston o‘zining “Mahalla: shahar va qishloq hayoti” deb nomlangan milliy loyihasini taqdim etadi. Milliy pavilyon biyennalening asosiy joylari — “Arsenal” va “Giardini” chorrahasida, mezbon Italiya pavilyoni bilan yonma-yon joylashadi.
Xabarda aytilishicha, O‘zbekiston Madaniyat vazirligi huzuridagi Madaniyat va san’atni rivojlantirish jamg‘armasi ushbu loyihaga Syurixdagi Shveysariya oliy texnik maktabini jalb etdi. Uning professorlari Emmanuel Krist va Kristof Gantenbein ko‘rgazmaning kuratori sifatida ishtirok etadi.
Izoh (0)