Ijtimoiy tarmoqlarda Andijon viloyati hokimi Shuhrat Abdurahmonovning navbatdagi audiosi tarqaldi, deya xabar bermoqda “Xabar.uz”.
“Kechagina tadbirkorlarni to‘plab, shu bo‘yicha yig‘ilish qilyapmiz. Toshkentdan Adham Ikromov (Savdo-sanoat palatasi raisi) kelgan, birgalashib yig‘ilish o‘tkazyapmiz. U tushuntiryapti: endi unday bo‘ladi, bunday bo‘ladi, ishinglar bo‘lsa, mana shunga murojaat qilasizlar, mana nomer 1100, deb telefon qilib, misollar keltirib tushuntiryapti. Bormi murojaat qiladigan desa, uchtasi qo‘l ko‘taryapti.
Keyin meniki qo‘zib ketadi-ku. “Tur o‘rningdan. Nima murojaating bor?” desam, “Ha endi” deydi. “Ayt endi, ha endi demasdan” dedim. U tushunmay qo‘lini ko‘tarib yuboribdi-da. “Ayt, hozir aytasan” dedim, “Andijon shahridagi shakal, aytasan” desam, “Ha endi” deyapti.
Yoki bilmay ko‘tarib yuborgan yoki haqiqatdan nimadir bor. “Eshitvol, hammasi bosh vazirga borgani bilan menga keladi” dedim. “U yer orqali kelsa, ketingga tepaman yo qiziyaptimi?” dedim. U “Tushunmay qo‘l ko‘tarib yuboribman” dedi. Ikkita sassiqning gapi bilan hech nima o‘zgarmaydi”, – deydi Andijon hokimi.
Audio davomida hokim noma’lum shaxslarga qarata: “Senlarni odam tug‘ganmi yo it tug‘ganmi? E, semirmay o‘l, to‘ng‘iz!”, – degan.
Eslatib o‘tamiz, 13-noyabr kuni internetda Andijon viloyati hokimi unga “sassiq gapirgan” marhamatlik uch ayolni 15 sutkaga qamatgani haqida gapirgan audiosi tarqalgandi. Viloyat hokimligi audio 2 yil avval yozib olinganini ma’lum qilgan.
Ushbu holatga deputat Rasul Kusherbayev munosabat bildirib, hokimni “Lenin boshlagan boshqaruvning sodiq vorisi” deb atagan.
Izoh (0)