Amerikalik olimlar mutatsiya SARS-CoV-2 koronavirusining dunyo bo‘ylab tarqalishini yanada tezlashtirgani, biroq buning natijasida patogenning xavfliligi ortmaganini ma’lum qildi. Bu haqda Science jurnalida chop etilgan maqolada so‘z boradi.
Shimoliy Karolina universiteti tadqiqotchilari Yevropada aniqlangan va hozirda butun dunyoda dominant hisoblanayotgan D614G shtammini tahlildan o‘tkazgan.
U tezlik bilan ko‘payayotgani va oson tarqalayotganiga qaramay, shtamm Xitoyda dastlab tarqalgani kabi xavfliroq COVID-19’ni yuzaga keltirmaydi. Bundan tashqari, D614G antitanalarga ega neytrallovchi dori vositalariga ta’sirchan.
Eslatib o‘tamiz, oktabr oxirlarida olimlar Yevropada koronavirusning yangi turini aniqlab, uni 20A.EU1 deb atagandi. Olimlarning ta’kidlashicha, Yevropadagi pandemiyaning ikkinchi to‘lqini koronavirusning Ispaniya qishloq xo‘jaligi xodimlaridagi mutatsiyasi bilan bog‘liq bo‘lishi mumkin.
Izoh (0)