Futbol bo‘yicha Yevro—2020 musobaqasiga so‘nggi to‘rt yo‘llanmani taqdim etuvchi o‘tish o‘yinlari 12-noyabr, payshanba kuni bo‘lib o‘tdi.
Makedoniya Goran Pandevning yagona goli evaziga Gruziyadan ustun keldi.
Vengriya o‘z uyida Islandiyani qabul qildi. Avvaliga mehmonlar Gilfi Sigurdssonning goli evaziga oldinga o‘tib oldi. Bunga maydon egalari so‘nggi daqiqalarda Loik Nego va Dominik Soboslaining gollari bilan javob qaytardi.
Shimoliy Irlandiya terma jamoasi Slovakiyaga qarshi o‘ynadi. Uchrashuvning asosiy vaqti 1:1 hisobidagi durang bilan yakunlandi. Qo‘shimcha bo‘limlarda Mixal Dyurish tomonidan urilgan gol Slovakiyaga Yevropa chempionati eshiklarini ochdi.
Serbiya esa Shotlandiyaga qarshi bahs olib bordi. Ikkinchi bo‘lim debyutida shotlandlar Rayan Kristining goli evaziga oldinga o‘tib oldi. Asosiy vaqtning so‘nggi daqiqasida Luka Yovich hisobni tenglashtirdi. Qo‘shimcha bo‘limlarda ham hisob o‘zgarmadi, penaltilar seriyasida esa Shotlandiya omadli chiqdi.
Shu tariqa g‘oliblikni qo‘lga kiritgan to‘rtta terma jamoasi Yevro—2020 final bosqichiga yo‘l oldi.
Yevro—2020 saralashi
O‘tish o‘yinlari, final
12-noyabr, payshanba
Gruziya — Makedoniya 0:1
Gol: 0:1 – 56 Pandev.Vengriya — Islandiya 2:1
Gollar: 0:1 – 11 Sigurdsson, 1:1 – 88 Nego, 2:1 – 90+2 Soboslai.Shimoliy Irlandiya — Slovakiya 1:2
Gollar: 0:1 – 17 Kutska, 1:1 – 87, avtogol Shkrinyar, 1:2 – 110 Dyurish.Serbiya — Shotlandiya 1:1
Penaltilar seriyasi — 4:5Gollar: 0:1 – 52 Kristi, 1:1 – 90 Yovich.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)