“Yuventus” klubi va Portugaliya terma jamoasi hujumchisi Krishtianu Ronaldu Andorraga qarshi kechgan o‘rtoqlik uchrashuvida (7:0) faoliyatidagi 746-golini urdi.
Bu ko‘rsatkich bo‘yicha u vengriyalik futbol afsonasi Ferens Pushkashning (746) natijasini takrorladi.
Endilikda Ronaldu Pushkash bilan birgalikda barcha davrlarning eng yaxshi to‘purarlari ro‘yxatida 4-o‘rinda bormoqda. Portugaliyalik futbolchi bu borada faqat Pele (767), Romario (772) va Yozef Bitsandan (805) ortda qolmoqda.
Shuningdek, bu Ronaldu uchun Portugaliya terma jamoasidagi 102-gol bo‘ldi. 35 yoshli futbolchi terma jamoa safidagi gollari soni bo‘yicha faqat Eron sobiq hujumchisi Ali Dayidan (109) ortda qolmoqda.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)