Футбол бўйича Евро—2020 мусобақасига сўнгги тўрт йўлланмани тақдим этувчи ўтиш ўйинлари 12 ноябрь, пайшанба куни бўлиб ўтди.
Македония Горан Пандевнинг ягона голи эвазига Грузиядан устун келди.
Венгрия ўз уйида Исландияни қабул қилди. Аввалига меҳмонлар Гильфи Сигурдссоннинг голи эвазига олдинга ўтиб олди. Бунга майдон эгалари сўнгги дақиқаларда Лоик Него ва Доминик Собослаининг голлари билан жавоб қайтарди.
Шимолий Ирландия терма жамоаси Словакияга қарши ўйнади. Учрашувнинг асосий вақти 1:1 ҳисобидаги дуранг билан якунланди. Қўшимча бўлимларда Михал Дюриш томонидан урилган гол Словакияга Европа чемпионати эшикларини очди.
Сербия эса Шотландияга қарши баҳс олиб борди. Иккинчи бўлим дебютида шотландлар Райан Кристининг голи эвазига олдинга ўтиб олди. Асосий вақтнинг сўнгги дақиқасида Лука Йович ҳисобни тенглаштирди. Қўшимча бўлимларда ҳам ҳисоб ўзгармади, пенальтилар сериясида эса Шотландия омадли чиқди.
Шу тариқа ғолибликни қўлга киритган тўртта терма жамоаси Евро—2020 финал босқичига йўл олди.
Евро—2020 саралаши
Ўтиш ўйинлари, финал
12 ноябрь, пайшанба
Грузия — Македония 0:1
Гол: 0:1 – 56 Пандев.Венгрия — Исландия 2:1
Голлар: 0:1 – 11 Сигурдссон, 1:1 – 88 Него, 2:1 – 90+2 Собослаи.Шимолий Ирландия — Словакия 1:2
Голлар: 0:1 – 17 Куцка, 1:1 – 87, автогол Шкриньяр, 1:2 – 110 Дюриш.Сербия — Шотландия 1:1
Пенальтилар серияси — 4:5Голлар: 0:1 – 52 Кристи, 1:1 – 90 Йович.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)