Deputatlarning ta’kidlashicha, pandemiya to‘lqini ko‘plab o‘zbekistonliklar turmush tarziga ham sezilarli salbiy ta’sir o‘tkazdi, xususan, “chet ellarga ishlash, xizmat ko‘rsatish, davolanish yoki boshqa maqsadlarda borgan minglab fuqarolar o‘ta mushkul ahvolga tushib qolgan edi”.
“Shukurki, Prezident Shavkat Mirziyoyev rahbarligida davlatimiz va hukumatimiz tomonidan inqirozli vaziyatda o‘zbekistonliklarni yurtimizga olib kelish, karantin hududida saqlash va yaqinlari bag‘riga qaytarish bo‘yicha kompleks chora-tadbirlar amalga oshirilmoqda. Eng muhimi, yurtdoshlarimiz jahonning qaysi nuqtasida bo‘lmasin, O‘zbekiston hukumati ularga e’tibor va g‘amxo‘rlik ko‘rsatishga qodirligini his qila boshladilar. Bu zamonaviy davlatchiligimiz tarixida hokimiyatning aholi bilan yaqinligi borasida misli ko‘rilmagan hodisadir”, — deyiladi maqolada.
Deputatlarning qayd etishicha, “karantin joriy etilgandan buyon xorijda qolib ketgan jami 400 mingdan ziyod o‘zbekistonlik vatanga qaytarildi”. Deputatlarning maqolasida bu fuqarolarning aynan qaysi davlatlardan, qay turdagi transport vositalarida qaytarilganiga aniqlik kiritilmagan. “Ayni yo‘nalishdagi intensiv va tizimli amaliy choralar bir kun ham to‘xtamay, hozirga qadar izchil davom ettirilmoqda”, — deyiladi maqolada.
Izoh (0)