Давоми: Абхазиядан Ўзбекистонга қайтиш истагида бўлган ватандошларнинг янги рўйхати шакллантирилмоқда
Депутатларнинг таъкидлашича, пандемия тўлқини кўплаб ўзбекистонликлар турмуш тарзига ҳам сезиларли салбий таъсир ўтказди, хусусан, «чет элларга ишлаш, хизмат кўрсатиш, даволаниш ёки бошқа мақсадларда борган минглаб фуқаролар ўта мушкул аҳволга тушиб қолган эди».
«Шукурки, Президент Шавкат Мирзиёев раҳбарлигида давлатимиз ва ҳукуматимиз томонидан инқирозли вазиятда ўзбекистонликларни юртимизга олиб келиш, карантин ҳудудида сақлаш ва яқинлари бағрига қайтариш бўйича комплекс чора-тадбирлар амалга оширилмоқда. Энг муҳими, юртдошларимиз жаҳоннинг қайси нуқтасида бўлмасин, Ўзбекистон ҳукумати уларга эътибор ва ғамхўрлик кўрсатишга қодирлигини ҳис қила бошладилар. Бу замонавий давлатчилигимиз тарихида ҳокимиятнинг аҳоли билан яқинлиги борасида мисли кўрилмаган ҳодисадир», — дейилади мақолада.
Депутатларнинг қайд этишича, «карантин жорий этилгандан буён хорижда қолиб кетган жами 400 мингдан зиёд ўзбекистонлик ватанга қайтарилди». Депутатларнинг мақоласида бу фуқароларнинг айнан қайси давлатлардан, қай турдаги транспорт воситаларида қайтарилганига аниқлик киритилмаган. «Айни йўналишдаги интенсив ва тизимли амалий чоралар бир кун ҳам тўхтамай, ҳозирга қадар изчил давом эттирилмоқда», — дейилади мақолада.
Изоҳ (0)