Toshkent shahri Shayxontohur tumanida mijozlarga intim xizmatlari ko‘rsatish bilan shug‘ullangan transvestitlar ushlandi, deb xabar bermoqda IIV.
Ma’lum qilinishicha, 2020-yilning 28-oktabr kuni IIV Jinoyat qidiruv bosh boshqarmasi xodimlari tomonidan Vazira va Dono laqabli va boshqa shaxslar internet tarmog‘iga o‘zining telefon raqamini joylashtirib, moddiy manfaatdorlik evaziga jinsiy aloqa bilan shug‘ullanayotganligi to‘g‘risida tezkor ma’lumot olingan.
Olingan ma’lumot asosida IIV JQBB va Shayxontohur tumani IIO FMB xodimlari bilan hamkorlikda o‘tkazilgan tezkor tadbir yuzasidan quyidagilar aniqlandi.
Jumladan, Shayxontohur tumanining ko‘chalaridan biridagi xonadon tekshirilganda 25 yoshli bo‘ydoq, muqaddam sudlanmagan, OIV infeksiyasiga chalingan, vaqtincha ishsiz, viloyatlardan birida doimiy ro‘yxatda turuvchi Sh.O., 31 yoshli muqaddam sudlanmagan, vaqtincha ishsiz, S.U.ni mijozga 1 million so‘m evaziga ikki marotaba jinsiy aloqa qilishlari uchun qo‘shib, ularga ushbu xonadonni alohida xonasidan joy ajratib, sharoit yaratib berganligi aniqlangan.
Sh.O.dan xolislar ishtirokida 1 million so‘m pullar daliliy ashyo tariqasida olindi.
Bundan tashqari, ushbu xonadonda ma’lum miqdordagi pul evaziga mijozlarga intim xizmat ko‘rsatayotgan transvestit shaxslar – 23 yoshli bo‘ydoq, muqaddam sudlanmagan, OIV infeksiyasiga chalingan, vaqtincha ishsiz B.D., 28 yoshli bo‘ydoq, muqaddam sudlanmagan, OIV infeksiyasiga chalingan, vaqtincha ishsiz Z.N. va 26 yoshli bo‘ydoq, muqaddam sudlanmagan, vaqtincha ishsiz G.F. ushlandi.
Olib borilgan surishtiruv harakatlari davomida yuqorida ko‘rsatilgan shaxslar muqaddam OITSga qarshi kurash markazlarida infeksiya bilan kasallanganligi va ular boshqa shaxslar bilan jinsiy aloqa qilgan taqdirda, Jinoyat kodeksining 113-moddasi (tanosil yoki OIV kasalligi/OITSni tarqatish) bo‘yicha jinoiy javobgarlikka tortilishi haqida tilxat olinib, ogohlantirilganligi aniqlandi.
Bundan tashqari, ushbu shaxslar Toshkent shahrining turli tumanlaridagi xonadonlarni ijaraga olib, u yerda ham internet orqali mijozlar qabul qilib, ularga intim xizmat ko‘rsatganliklari ma’lum bo‘ldi.
Mazkur holat yuzasidan yuqorida nomlari qayd etilgan shaxslarga nisbatan tegishli hujjatlar rasmiylashtirilib, qonuniy chora ko‘rish uchun Shayxontohur tumani IIO FMB 2-sonli IIBga topshirildi.
Avvalroq Namanganda OITSga chalinganini bila turib, erkaklar bilan ishqiy munosabatda bo‘lgan ayolga jinoiy ish qo‘zg‘atilmagani xabar qilingandi.
Izoh (0)