Шайхонтоҳурда ОИВга чалинган трансвеститлар хизмат кўрсатаётган вақтида қўлга олинди

Тошкент шаҳри Шайхонтоҳур туманида мижозларга интим хизматлари кўрсатиш билан шуғулланган трансвеститлар ушланди, деб хабар бермоқда ИИВ.

Маълум қилинишича, 2020 йилнинг 28 октябрь куни ИИВ Жиноят қидирув бош бошқармаси ходимлари томонидан Вазира ва Доно лақабли ва бошқа шахслар интернет тармоғига ўзининг телефон рақамини жойлаштириб, моддий манфаатдорлик эвазига жинсий алоқа билан шуғулланаётганлиги тўғрисида тезкор маълумот олинган.

Олинган маълумот асосида ИИВ ЖҚББ ва Шайхонтоҳур тумани ИИО ФМБ ходимлари билан ҳамкорликда ўтказилган тезкор тадбир юзасидан қуйидагилар аниқланди.

Жумладан, Шайхонтоҳур туманининг кўчаларидан биридаги хонадон текширилганда 25 ёшли бўйдоқ, муқаддам судланмаган, ОИВ инфекциясига чалинган, вақтинча ишсиз, вилоятлардан бирида доимий рўйхатда турувчи Ш.О., 31 ёшли муқаддам судланмаган, вақтинча ишсиз, С.У.ни мижозга 1 миллион сўм эвазига икки маротаба жинсий алоқа қилишлари учун қўшиб, уларга ушбу хонадонни алоҳида хонасидан жой ажратиб, шароит яратиб берганлиги аниқланган.

Ш.О.дан холислар иштирокида 1 миллион сўм пуллар далилий ашё тариқасида олинди.

Бундан ташқари, ушбу хонадонда маълум миқдордаги пул эвазига мижозларга интим хизмат кўрсатаётган трансвестит шахслар – 23 ёшли бўйдоқ, муқаддам судланмаган, ОИВ инфекциясига чалинган, вақтинча ишсиз Б.Д., 28 ёшли бўйдоқ, муқаддам судланмаган, ОИВ инфекциясига чалинган, вақтинча ишсиз З.Н. ва 26 ёшли бўйдоқ, муқаддам судланмаган, вақтинча ишсиз Г.Ф. ушланди.

Олиб борилган суриштирув ҳаракатлари давомида юқорида кўрсатилган шахслар муқаддам ОИТСга қарши кураш марказларида инфекция билан касалланганлиги ва улар бошқа шахслар билан жинсий алоқа қилган тақдирда, Жиноят кодексининг 113-моддаси (таносил ёки ОИВ касаллиги/ОИТСни тарқатиш) бўйича жиноий жавобгарликка тортилиши ҳақида тилхат олиниб, огоҳлантирилганлиги аниқланди.

Бундан ташқари, ушбу шахслар Тошкент шаҳрининг турли туманларидаги хонадонларни ижарага олиб, у ерда ҳам интернет орқали мижозлар қабул қилиб, уларга интим хизмат кўрсатганликлари маълум бўлди.

Мазкур ҳолат юзасидан юқорида номлари қайд этилган шахсларга нисбатан тегишли ҳужжатлар расмийлаштирилиб, қонуний чора кўриш учун Шайхонтоҳур тумани ИИО ФМБ 2-сонли ИИБга топширилди.

Аввалроқ Наманганда ОИТСга чалинганини била туриб, эркаклар билан ишқий муносабатда бўлган аёлга жиноий иш қўзғатилмагани хабар қилинганди.