Jizzax viloyati G‘allaorol tumanida ikki yuk mashinasi yo‘l-transport hodisasi sodir etdi, deya xabar bermoqda IIV.
Ma’lum qilinishicha, G‘allaorol tumani “Ko‘kgumbaz” mahalla fuqarolar yig‘ini hududidan o‘tuvchi Toshkent–Termiz M-39 yo‘lining 1012-kilometrida “KamAZ”ning ortidan “ZIL-130” yuk mashinasi urilgan.
Oqibatda “ZIL-130” haydovchisi, Qashqadaryo viloyati Koson tumani Yakkasaroy qishlog‘ida yashovchi, 1989-yilda tug‘ilgan J.E. bosh miya chayqalishi, bosh miya yopiq jarohati hamda chap oyoq sinishi tashxisi bilan G‘allaorol tumani tibbiyot birlashmasining jonlantirish bo‘limiga yotqizilgan.
Voqea yuzasidan tuman ichki ishlar bo‘limi surishtiruv olib bormoqda.
Avvalroq Jizzaxda 2 ta Howo haydovchisi qarama-qarshi yo‘nalishda o‘zaro hazillashishi oqibatida mashinalar bir-biri bilan to‘qnashgani, Pastdarg‘omda Cobalt hamda Nexia ishtirokidagi YTHda haydovchilardan biri vafot etgani hamda Zarafshonda ichida yo‘lovchilar bo‘lgan ikkita avtobus ishtirokida avariya yuz bergani haqida xabar berilgan edi.
Izoh (0)