Samarqand viloyati Pastdarg‘om tumanida Cobalt va Nexia ishtirokida yo‘l-transport hodisasi sodir bo‘ldi, deya xabar bermoqda IIV.
Qayd etilishicha, 2020-yil 6-noyabr kuni 6:00 larda Samarqand viloyati Pastdarg‘om tumanidan o‘tuvchi 4R-46 yo‘lining 32-kilometrida Cobalt va Nexia avtomashinalari ishtirokida YTH sodir bo‘lgan.
Samarqand viloyati IIB YHXB boshlig‘i Farhod Shayzakovning ma’lum qilishicha, Cobalt va Nexia oldinma-ketin harakat qilib kelayotgan bo‘lgan. Ularning oldida ketayotgan “Jiguli” mashinasini urib olmaslik uchun Cobalt haydovchisi mashinani keskin o‘ng taraf – yo‘l chetiga olgan.
Nexia ham “Jiguli” bilan to‘qnashib ketmaslik uchun chapga – yo‘lning qarama-qarshi tomoniga o‘tib ketgan. Asosiy yo‘lga qaytib olayotgan vaqtda Cobalt avtomashinasi “Jiguli” quvib o‘tgan Nexia’ning o‘ng tomonidan kelib urgan.
Natijada Nexia avtomashinasi boshqaruvni yo‘qotib, yo‘l chetidagi tut daraxtiga borib urilgan. Buning oqibatida Nexia haydovchisi og‘ir tan jarohati olgan.
Cobalt avtomashinasining haydovchisi shifoxonaga olib borgan Nexia haydovchisi ko‘rsatilgan tibbiy yordamga qaramay vafot etgan.
https://www.youtube.com/watch?v=j5yY6z9YdFw&feature=youtu.be&ab_channel=Ichkiishlarvazirligi
Avvalroq Chiroqchida Cobalt’lar to‘qnashuvi natijasida ikki yo‘lovchi halok bo‘lgani, Navoiyda mast haydovchi sodir etgan YTH oqibatida 27 yoshli yigit bir qo‘lidan ayrilgani hamda Gulistonda YHXBning Mercedes mashinasi “Niva”ga urilib, uni ag‘darib yuborgani haqida xabar berilgandi.
Izoh (0)