Germaniyaning Porsche avtomobilsozlik kompaniyasi va Braziliyaning Embraer aviasozlik konserni Duet nomli hamkorlikdagi loyihasini e’lon qildi, deb xabar beradi Motor.
992 nomli so‘nggi avlodga kiruvchi yangi Porsche 911 Turbo S sportkarini mutlaqo bepul qo‘lga kiritish mumkin — buning uchun Embraer Phenom 300E samolyotini sotib olish kerak. 10 nusxada yaratilgan nemis kupesi va samolyot Duet nomini olgan — bu Porsche va fuqarolik samolyotlarini ishlab chiqarish hajmi bo‘yicha dunyoda uchinchi o‘rinda turuvchi Embraer’ning hamkorlik loyihasi hisoblanadi. Biroq Porsche 911 Turbo S samolyotga shunchaki sovg‘a sifatida tavsiya etilmaydi: sportkar va biznes-jet ishlab chiqaruvchilar ularni maksimal darajada bir-biriga o‘xshash qilib yaratgan.
Ularning ikkisi ham bir xil rangga bo‘yalgan: yaltiroq Platinum Silver Matalliv va nursiz Jey Gray Metallic ranglari kombinatsiyaga Brilliant Chrome va Speed Blue dekorativ chizgilar qo‘lda sepiladi. Shuningdek, Porsche Platinum Silver Metallic rangidagi eksklyuziv g‘ildiraklarga ega bo‘lgan, yon tomondagi havo haydagichlari va yon oyna chetlari Brilliant Chrome’ga bo‘yalgan.
Sportkar saloni ikki xil charm bilan qoplangan, interyeridagi dekorativ panellar esa uglerod toladan ishlangan. Interyerga One of 10 yozuvli maxsus logotip tushirilgan, sekundomer qo‘shimcha sun’iy chegara liniyasi bilan qoplangan. Shuningdek, avtomobilga Remove before flight birkasi tushirilgan g‘ilof, chamadon va ikkita Porsche Design yo‘l sumkasi taqdim etiladi. Duet narxi to‘g‘risida ma’lumot berilmagan.
Izoh (0)