Rossiyada 9-noyabr tonggi holatga ko‘ra, koronavirusga chalinish bilan bog‘liq 21 798 ta holat qayd etildi, deb xabar bermoqda Meduza koronavirusga qarshi kurashish shtabiga tayanib. Bu kasallanishning sutka davomida ortishi bo‘yicha yangi antirekord.
Eng ko‘p kasallanish holatlari Moskva (sutka davomida 6897 ta) va Sankt-Peterburgda (bir sutka ichida 1403 ta) kuzatilgan. Mamlakatda koronavirusga chalinganlarning umumiy soni 1 796 132 kishiga yetdi.
So‘nggi bir kecha-kunduzda infeksiyadan 256 kishi, umumiy hisobda esa 30 739 kishi vafot etgan. Sog‘ayganlar soni 1 335 142 nafarni tashkil etmoqda, shulardan 10 722 nafari so‘nggi sutkada tuzalib chiqqan.
Mamlakatda koronavirusni aniqlash bo‘yicha so‘nggi 24 soat ichida 526 mingta, umumiy hisobda esa 65,2 milliontadan ortiq test o‘tkazilgan.
Eslatib o‘tamiz, bundan avval Rossiyada qatorasiga uch kun davomida COVID-19 aniqlanganlar soni 20 ming kishidan ortiq bo‘lgandi.
Izoh (0)