Тошкент шаҳрида 31 октябрдан 7 ноябрга қадар катталар ўртасида бокс бўйича 2020 йилги Ўзбекистон чемпионати ўтказилди.
Мусобақада бир қатор таниқли боксчилар ҳам иштирок этди. Жумладан, -69 кг вазн тоифасида Ўзбекистон чемпионлиги Бобоусмон Ботуровга насиб этди. Ботуров финал жангида Жавлонбек Йўлдошевни мағлуб этди.
Спортчи мусобақа финал жангидан сўнг кичик интервью берди, дея хабар бермоқда бокс федерацияси матбуот хизмати.
Чемпионатдан аввал яхши спорт формасда эмасдим ва буни тан оламан. Мусобақада менга қарши рингга кўтарилган барча рақибларим кучли эди. Жангларимдан тўлиқ қониқдим деб айтолмайман. Финалдаги рақибим Жавлонбекни ярим финалдаги жангини кўрдим. Билолбек Мирзараҳимовни анча шижоат билан мағлубиятга учратди. У жанг вақтида менга ҳам анча қийинчилик туғдирди.Эслатиб ўтамиз, Бобоусмон Ботуров 2020 йил март ойида Иорданияда ўтказилган лицензион мусобақада ўзбекистонлик боксчилар ичида биринчилардан бўлиб Токио Олимпиадасига йўлланмани қўлга киритганди. Қайд этиш жоиз, -69 кг вазн тоифасида лицензион мусобақада қатнашиш учун Шаҳрам Ғиёсов ҳам даъвогарлик қилганди. Бироқ иккала боксчи ўртасидаги спарринг жангдан сўнг якунда терма жамоа мураббийлари Бобоусмон Ботуров номзодида тўхталганди.Рингда доим биринчи рақам остида жанг қилардим. Лекин Жавлонбекнинг ҳаракатини кўриб, унга қарши тактика тузиб, иккинчи рақамли бўлиб жанг қилдим. Анча шижоатли йигит экан. Уни келажаги порлоқ деб ўйлайман. Бу чемпионатда нафақат ғалаба қозондим, балки спорт формамни ҳам қайта тиклаб олдим. Эндиги мақсадим Олимпия ўйинларида муносиб иштирок этиб, олтин медални қўлга киритиш. Бу йўлда бизга барча шароитларни яратиб бераётган Ўзбекистон бокс федерацияси, Миллий олимпия қўмитасига раҳмат. Худо хоҳласа, менга ишонч билдирганларни ишончини оқлаб, олтин медал билан қайтишни мақсад қилганман.
Бобоусмон Ботуров, боксчи
Бобоусмон Ботуров ва Шаҳрам Ғиёсов ўртасидаги жангни бу ерда томоша қилиш мумкин — ВИДЕО.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)