Hindistonda yorqin sariq rangli noyob toshbaqa topildi. U xuddi pishloqqa o‘xshaydi

Hindistonning G‘arbiy Bengaliya shtatidagi hovuzdan yorqin sariq rangli noyob albinos-toshbaqa topildi, deb xabar beradi New York Post.

“Bugun Burdvanedagi hovuzdan sariq toshbaqa qutqarib olindi”, — deb yozadi Hindiston O‘rmon xizmati xodimi Debashish Sharma o‘zining Twitter’dagi sahifasiga.

Ushbu toshbaqa Hindistonda uchraydigan kurakli toshbaqalar (Lissemys punctata) turiga kiradi. Uning chanog‘i odatda sariq chiziqlarga ega yashil-jigarrang, qorinchasi oq-sariq rangda bo‘ladi.

Noodatiy yorqin rang organizmdagi barcha pigmentlarning yo‘q bo‘lishiga olib kelgan genetik kasallik sabab yuzaga kelgan. Bu kabi hodisa xromatik leykizm deyiladi. Shu bilan birga, biologlarning fikricha, bunday rang toshbaqa hayotini murakkablashtiradi: u suvda yashirinishga qiynaladi.

Internetda olimlarning ushbu topilmasi qizg‘in muhokamalarga sabab bo‘ldi: foydalanuvchilar toshbaqani erigan pishloq va oqib ketgan tuxum sarig‘iga o‘xshatmoqda.

Sariq toshbaqalar oxirgi marta bir necha bor Janubiy Osiyoning turli qismlaridan topilgan.