Yaponiyalik Chika ismli ayol Instagram sahifasiga o‘zining sevimli mushugi – Zuuning suratlarini joylab boradi. Uning yuz tuzilishi endi uyqudan turgan odamni eslatadi. Shuning uchun ham u Instagram’da allaqachon 60 mingdan ortiq kuzatuvchilar ko‘nglini zabt etib, mashhurlikka erishdi. Shuningdek, Chikaning bundan boshqa Bokko ismli mushugi ham bor.
Mushuklar kuni bo‘yi nima bilan band bo‘lishi mumkin? Albatta, ular uxlashni afzal biladi.
“Bokko biroz tortinchoq, begonalarni yoqtirmaydi, lekin uni massaj qilsa, yoqib tushadi. U uyimda avval yashagan tipratikan bilan do‘st edi. Zuu esa hamma bilan oson do‘stlashadi, hattoki bog‘da uchraydigan itlardan ham tortinmaydi.
“Ikkala mushugim yassi yuz bo‘lganligi sababli har kuni ularning ko‘z yoshini artishim kerak, − deydi Chika. − Va ular juda ham dangasaligi tufayli ovqat yeyishni ham yoqtirmaydi. Men ularning ovqatini tumshug‘iga qadar olib kelaman. Ishga ketayotgan vaqtimda ularning ozuqasini tashlab ketaman, ammo kelganimda ovqatlar doimgidek turgan bo‘ladi”.
Zuu sport bilan shug‘ullanishni istamaydi. U hattoki uyning tomiga ham ko‘tarilib ko‘rmagan.
Izoh (0)