Britaniyalik styuardessa Xizer Pul 20 yillik tajribasidan kelib chiqib, nima uchun qizil lab bo‘yog‘idan foydalanishi haqidagi savolga javob berdi. Uning so‘zlariga ko‘ra, bu tanlov tasodif yoki moda bilan bog‘liq emas. Bu haqda “Korrespondent.net” xabar beradi.
Styuardessalar uchun mo‘ljallangan qizil lab bo‘yog‘i faqatgina samolyot yo‘lovchilarining xavfsizligi bilan aloqador. Favqulodda vaziyatlar sodir bo‘lganda yo‘lovchilarning e’tiborini yorqin rang tortadi. Qo‘rquv yoki shovqin tufayli ovoz eshitilmay qolganda styuardessaning so‘zlarini yorqin qizil rang surtilgan lablar harakati orqali bilib olish mumkin.
Uning ta’kidlashicha, bo‘yanish qoidalariga rioya qilmaslik yaxshi oqibatlarga olib kelmaydi. “Bir kuni hamkasblardan biri ochroq rangli lab bo‘yog‘i surtib keldi. Keyin uni boshqa ko‘rmadik, u ishdan bo‘shadimi yoki bo‘shatildimi, noma’lum”, − deydi Xizer.
Izoh (0)