Электромобиллар ишлаб чиқариш билан шуғулланувчи Американинг Tesla компанияси 1 апрель куни компания раҳбари Илон Маск томонидан ёзилган ҳазил постдан сўнг, текила сотишни бошлади. Компания кичик серияда Tesla Tequila алкоголь ичимлигини ишлаб чиқарган, деб ёзади «Korrespondent.net».
Илон Маскнинг Twitter’даги саҳифасида эълон қилинган ҳазил постда ёзилишича, Tesla банкрот бўлган, унинг ўзини эса Модель 3 электромобили ёнидан атрофига «Teslakila»нинг бўш шиша идишлари ташланган ҳолда маст аҳволда топишган.
Бу каби баёнотдан кейин компания чекланган миқдордаги Tesla Tequila’ни ишлаб чиқаришга қарор қилган. Ичимлик яшин шаклидаги махсус шиша идишларга қуйилади, бу каби идишларнинг донаси 250 доллар. Спиртли ичимлик фақат АҚШ бўйлаб етказиб берилади.
Аввалроқ Tesla Хитойдан 50 мингга яқин автомобилини чақириб олишга мажбур бўлаётгани тўғрисида хабар берилганди. Бунга Хитой давлат ташкилоти Модель S ва Модель Х моделларининг «подвеска»сида муаммоларни аниқлагани сабаб бўлган.
Изоҳ (0)