Turkiya Erjies universitetida ishlab chiqilgan koronavirus infeksiyasiga qarshi ERUCOV-VAC vaksinasining odamlardagi sinovlarini boshlab yubordi. Bu haqda TRT Haber xabar tarqatgan.
“ERUCOV-VAC koronavirus infeksiyasiga qarshi vaksinasining dastlabki dozasi ko‘ngillilardan birida sinab ko‘rildi”, – deya universitet rektori Mustafo Chalish so‘zlarini keltirgan telekanal.
Qayd etilishicha, vaksina sinovlarini 2021-yil yanvar oyida yakuniga yetkazish rejalashtirilgan.
Sentabr boshida Turkiya COVID-19’ga qarshi Rossiya vaksinasining yakuniy bosqichida ishtirok etish uchun so‘rov yuborgandi. Ikkala tomon ham koronavirus infeksiyasiga qarshi kurashda foydalaniladigan vaksina hamda dorilarni ishlab chiqishda hamkorlik va qo‘shma loyihalarni amalga oshirishga tayyor ekanini bildirgan.
Shuningdek, Turkiya sog‘liqni saqlash vaziri Faxriddin Koja sentabr o‘rtalarida mamlakatdagi bemorlarda koronavirusga qarshi Xitoy vaksinasi sinovdan o‘tkazilganini ma’lum qilgan.
Avval Argentinada koronavirus infeksiyasiga qarshi Rossiyaning “Sputnik V” vaksinasi bilan emlash bepul amalga oshirilishi, Germaniya vaksinasi yil oxirigacha sinovlarning yakuniy bosqichiga tayyor bo‘lishi, Yaponiyada aholiga koronavirusga qarshi bepul emlanish taklif etilishi haqida xabarlar berilgan.
Izoh (0)