Gretsiya hukumati rahbari Kiriakos Mitsotakis COVID-19 bilan bog‘liq epidemiologik vaziyatning yomonlashgani tufayli mamlakat miqyosida umumiy karantin rejimi joriy etilishini e’lon qildi. Bu haqda “Interfaks” xabar bergan.
Karantin 7-noyabrdan boshlab amalda bo‘ladi koronavirusga qarshi ekspert kengashi rahbari, infeksionist Sotiris Siodras bilan kelishga holda 3 hafta muddatga belgilangan.
Mamlakat moliya vaziri Xristos Stoykuras aholini qo‘llab-quvvatlash, fuqaro muhofazasi vaziri Nikos Xardalias esa Sog‘liqni saqlash vazirligi vakillari bilan birgalikda karantinga rioya qilinishining nazorati haqida ma’lumot bergan.
Gretsiyada uzoq vaqt davomida COVID-19 koronavirus infeksiyasini yuqtirib olish holatlari soni Yevropaning boshqa mamlakatlariga nisbatan ancha kam edi, ammo oktabr boshidan ushbu ko‘rsatkich keskin o‘zgara boshlagan.
4-noyabr holatiga ko‘ra, mamlakatda jami 2646 ta kasallanish holat qayd etilgan. 18 nafar bemor COVID-19 asoratlari oqibatida vafot etgan, 179 kishi sun’iy nafas berish apparatlariga ulangan holda kasalxonalarda davolanmoqda.
Gretsiyada epidemiya boshlanganidan beri kuzatilgan kasallanish holatlarining soni 47 mingtadan oshib ketgan, 673 nafar bemor koronavirus infeksiyasi oqibatida hayotdan ko‘z yumgan.
Avval Daniyada koronavirus mutatsiyasining oldini olish uchun barcha qorako‘zanlar yo‘q qilinishi, dunyoda koronavirusga chalinganlar soni 48 milliondan oshgani, infeksiya asoratlari oqibatida kuzatilgan o‘lim holatlari soni bo‘yicha antirekord qayd etilgani haqida xabarlar berilgan.
Izoh (0)