Jahon sog‘liqni saqlash tashkiloti dunyo hamjamiyatini yangi pandemiyaga tayyorlanishga chaqirdi. Bu haqda tashkilotning Jahon sog‘liqni saqlash assambleyasi 73-sessiyasining telekonferensiyasi arafasida tarqatilgan bayonotida ma’lum qilingan, deb yozmoqda “Vedomosti”.
“Jahon sog‘liqni saqlash tashkiloti insoniyat yangi pandemiyaga tayyorgarlik bilan shug‘ullanishi kerak, deb hisoblaydi”, — deyiladi bayonotda. Tashkilot bu mavzuni forumdagi asosiy mavzulardan biri sifatida ko‘rib chiqmoqda.
Ma’lum qilinishicha, 73-sessiyada “sog‘liqni saqlash sohasidagi shoshilinch holatlarga tayyorgarlikni kuchaytirish haqida”gi rezolyutsiyani qabul qilish rejalashtirilmoqda. Tashkilot mamlakatlarga favqulodda vaziyatlarga tayyorlanishni yaxshilashga oliy siyosiy darajada ustunlik berishga chaqiriq bilan murojaat qilmoqda.
JSST tomonidan qayd etilishicha, sog‘liqni saqlash tizimining infratuzilmasi mustahkam va favqulodda vaziyatlarga tayyor bo‘lgan mamlakatlar koronavirus tarqalishi bilan bog‘liq vaziyatni tez to‘xtatish va nazoratga olishga muvaffaq bo‘lgan.
JSSTning Rossiyadagi vakili Melita Vuynovich 3-noyabr kuni ayni paytda koronavirus pandemiyasi dunyoda juda og‘ir vaziyatga ekanligini ma’lum qilgan. Uning so‘zlariga ko‘ra, keyingi bir necha oy juda og‘ir bo‘ladi, ba’zi mamlakatlar juda og‘ir holatda. JSST vakilining qo‘shimcha qilishicha, koronavirus bilan kasallanish tezlashishda davom etmoqda, biroq so‘nggi paytlarda virus oqibatida yuzaga kelayotgan yangi o‘limlarning soni barqarorlashgan.
Izoh (0)