Rossiyada 5-noyabr tongiga ko‘ra, koronavirus bilan kasallanish bilan bog‘liq 19 404 ta holat qayd etildi, deb xabar bermoqda Meduza koronavirusga qarshi kurashish shtabiga tayanib. Bundan bir kun avval rekord darajada kasallanish — 19 768 ta holat aniqlangandi.
Sutka davomida eng ko‘p kasallanganlar Moskva (+5255), Sankt-Peterburg (+1093) va Moskva viloyatida (+588) qayd etilgan. Rossiyada koronavirusga chalinganlarning umumiy soni 1 712 858 kishiga yetdi.
Sutka davomida infeksiyadan 292 kishi, epidemiya boshlanganidan buyon esa 29 509 kishi vafot etgan. Sog‘ayganlar soni 1 279 169 nafarni tashkil etmoqda, shulardan 12 238 nafari so‘nggi bir kecha-kunduzda tuzalib chiqqan.
Mamlakatda koronavirusni aniqlash bo‘yicha so‘nggi 24 soat davomida 570 mingta, umumiy hisobda esa 63 milliondan ortiq test o‘tkazilgan.
Avvalroq dunyoda koronavirus oqibatida yuz bergan o‘limlar soni bir kecha-kunduzda 9763 tani tashkil etgani haqida xabar berilgan edi.
Izoh (0)